Uhh geils Thema, als Seriejunkie muessi min Senf doderzue au abgäh!
Breaking Bad - Hani vor 2 monet zum erste mol afoh luege und bin jetzt an dr letschde 5te Staffle. Vom Charakter här, chunt dr Hauptdarsteller vo allne Seriehelde no am ehnste an dr Gregory House ahne! s'ganze isch halt chli düsterer und bedrückender als Dr. House.
Californication - Eifach nur dr HAMMER. d'Sprüch vom Hauptdarsteller Hank Moody aber au vo allne Nebedarsteller sind eifach nur dr geil! Lueg eifach mol die erste 10 Minute vo dr erste Staffle, wenn dir d'Nonne Szene nit gfallt, muessch au nit witerluege!
2 Broke Girls - 2 Chicks mit fiese Sprüch, echt Lustigi und kurzwieligi Serie.
Supernatural - Die Serie ghört zu mine top favorite. D'Serie wird vo Folg zu Folg spannender und lustiger. Je besser me die zwei Briedere kennt desto lustiger wird d'Serie. I chan mich mängmol richtig weghaue vor Lache. Nit zu unrecht wird bereits die 9ti Staffle produziert! S'ganze Demone und Geisterzügs rund herum muess me halt irgendwie gern ha, denn machts wirklich Spass. Aber wie gseit, d'Serie lebt absolut vo de zwei Briedere.
Lie to me - No e Serie wo chli an Dr. House erinnert. dr Haupdarsteller isch e Genie wenns drum goht Gsichter und Mimike z'läse, er chan sage ob öbert Lüegt oder nit. Um sich ume het er e Team wo ihm hilft verschiedensti Fäll z'löse.
Mentalist - Khört au zu mine lieblingsserie. Het ähnlichkeite mit Lie to me, aber dr Hauptdarsteller isch mir bi Mentalist viel sympathischer und die ganz Serie isch irgendwie lustiger.
24 - Achtung Suchtpotential!!! Falls vor hesch dermit azfoh, legsch dir am beste grad alli Staffle zue und nimmsch 8 Tag Ferie.
Game of Thrones - Momentan wirklich eins vo de beste Serie im TV. Het nit viel vo däm wo du suechsch, aber trotzdem top spannend und fesselnd.
Vikings - Vikinger am plündere und vergewaltige... wäm gfallt das nit?
so, muess los, fortsetzung folgt!;-)
cheers
S.